Bea Saiáns (Vigo, 1991) é graduada en Comunicación Audiovisual (UVIGO, 2016), e especializada en Xénero e Comunicación (UAB, 2018) e formada tamén a través de residencias La Plantación con Víctor Erice, Pedro Costa, Joan Fontcuberta. Ten dirixido varias curtametraxes, Cinema Anémico finalista no Festival de Cans (2017), ou Pai finalista no Certame Xuventude Crea da Xunta de Galicia (2019), así coma vídeos musicais Arrolo de Cumieira do grupo de folk galego Caldo (2020) ou Peça Desculpas, Senhor Presidente (2023) do artista brasileño Luca Argel, vídeo que deu lugar a varios artigos de opinión en Praza e Publico.pt. Todos os seus traballos conteñen unha gran presenza da danza.

Traballa para diversos xornais como fotógrafa como O Salto ou Eldiario.es. Recentemente foi finalista da I Edición CIMA Mentoring 1 to 1 (2021) organizado polo ICAA, Netflix e CIMA, a Asociación de Mujeres Cineastas y de Medios Audiovisuales. É creadora e directora da serie en preprodución Régimen coa que accede ás Residencias Audiovisuais de LaBonne en Barcelona (2021). Neste momento adícase a producir os Delirio Sketchs con CRU produtora na que traballa e que impusa desde 2022 así como a impartir obradoiros de Educación Mediática en centros educativos. É a autora de Baliza (Edicións Malafera, 2023) o seu primeiro libro, de poemas ilustrados.